Leys størv

Vit leita eftir forvitnum, røskum og tænastusinnaðum handilslærlingi til spennandi lærupláss í Telebúðini á Tvøroyri.

Sum handilslærlingur mennir tú teg bæði fakliga og persónliga, og tú lærir at seta kundan í miðdepilin. Tú fært eina spennandi lærutíð í framskygdum umhvørvi. Í dagliga handilsarbeiðinum gevur tú ráð og veitir tænastu, selur nýggjastu tøknina á marknaðinum og setur tøkni upp fyri kundar.

Í lærutíðini verður skift millum vanliga arbeiðsdagin og skúlagongd á Glasi.

Vit ímynda okkum, at tú: 

- Dugir væl at samskifta við kundar og starvsfelagar 

- Ert íðin og vilt veita góða kundatænastu 

- Dámar væl at náa ásettum málum 

- Ert forvitin í nýggjari tøkni 

- Vilt læra og fáa royndir innan sølu og tøkni 

- Raðfestir gott samstarv

- Hevur lokið FHS-, HH-, HIF-, HTX-, HF- ella studentsprógv 

Lærutíðin er treytað av miðnámsútbúgvingini og er: 

- 2 ár við HH-prógvi 

- 2 ½ ár við HF-, HIF-, HTX- ella studentsprógvi 

- 3 ár við FHS-prógvi 

Løn er sambært sáttmála millum Føroya Arbeiðsgevarafelag og Starvsfelagið fyri Føroya Tele. Læruplássið verður sett eftir nærri avtalu, og freistin at søkja er leygardagin 23. september 2023. 

Samband

Vilt tú vita meira um læruplássið, ert tú vælkomin at ringja ella skriva til Kristinu Mouritsen, leiðara, á tel. 243373 og kmo@ft.fo. Tú ert eisini vælkomin at seta teg í samband við Sonny Joensen, HR-ráðgeva, á tel. 243009 og sfd@ft.fo.

Vit gleða okkum at frætta frá tær. 

Sjálvboðin umsókn

Fólkið er hjartaslátturin hjá Føroya Tele Samtakinum, og tí vilja vit altíð frætta frá fólki, sum hava eitt brennandi ynski um at skapa sær eitt navn í fyritøkuni. Skulu vit ganga á odda í føroyska framburðinum, so krevur tað fyrst og fremst dugnalig, nærløgd og nøgd starvsfólk, ið duga at laga seg til ein heim í støðugari broyting. Lat hugin fremja verkið.

Send okkum eina sjálvbodna umsókn, tí so ert tú longu væl á veg. Sjálvbodnar umsóknir kunnu sendast talgilt umvegis hesa síðu .

Tá ið tú sendir okkum eina sjálvbodna umsókn, leggja vit stóran dent á, at umsóknin myndar teg sum tann persónin, tú ert. Minst tí til tann persónliga vinkulin umframt at upplýsa, hvørja útbúgving tú hevur, hvørjar royndir tú hevur, og hvat títt áhugaøki er. Vit gleða okkum at hoyra frá tær.

Við at senda okkum eina sjálvbodna umsókn játtar tú, at vit goyma tínar upplýsingar í 6 mánaðir.